闲话上海，上海新闻，我是王幸。刚刚听到的怪声音侬猜到是啥事体吗？前两天有居民反映在苏州河昌平路段，去年开始早上7点到8点钟，总归会得听到莫名其妙的叫声，喉咙碰碰响，聋哑人听到大概也医得好了。外加不是一个人，是一帮子人在哇啦哇啦。

哎哟，听得来我自家喉咙痛了，原来是一群老年人在练“狮子叫”，说这样好治毛病？实际上完全不对的，医生讲了，相当不提倡这样叫，邪气容易血压升高，喉咙坏掉，不要本身没毛病的，喊出点毛病来。

再讲了，乱喊八喊也影响周围邻居，今朝侬狮子叫，明朝我老虎叫，后天他狼叫，那么阿拉是生活在居民区呢，还是动物园？所以锻炼身体要讲究科学，也要为人家想想，侬讲呢？

（看看新闻Knews记者： 王幸 张峥嵘 特约撰稿：朱贞淼）